Pasok sa Top 3 sa buong bansa si Engr. Keith Jeremy B. Miguel sa katatapos lamang na November 2024 Mining Engineers Licensure Examination.

Tubong Tuguegarao City si Engr. Miguel at nagtapos ng kanyang secondary education sa Tuguegarao City Science High School.

Nakuha ni Engr. Miguel ang rating na 89% dahilan para pumwesto ito sa Top 3.

Tila nasa dugo na ni Miguel ang pagiging topnotcher dahil nito lamang Agosto 2024, pumasok din sa National Topnotcher ang kanyang kapatid na si Jozelle Mae Ballad Miguel matapos pumwesto bilang Top 7 sa August 2024 Food Technologists Licensure Exam.

Ang magkapatid ay parehong nagtapos sa University of the Philippines Diliman kung saan nagtapos si Engr. Miguel ng kursong Bachelor of Science in Mining Engineer.